नेपाली महिलाको त्यागले परिवर्तन सम्भव भएको प्रधानमन्त्रीको भनाइ छ

0
101
प्रधानमन्त्री पुष्पकमल दाहाल ‘प्रचण्ड’ले क्रान्तिकारी महिलाले अतुलनीय त्याग नगरेको भए मुलुकको राजनीतिक रुपान्तरण यो उचाइमा पुग्न नसक्ने बताउनुभएको छ ।

आइतबार काठमाडौंमा अखिल नेपाल महिला संघ (क्रान्तिकारी)को राष्ट्रिय परिषद् तथा विधान सम्मेलनको पहिलो बैठकलाई सम्बोधन गर्दै प्रधानमन्त्री तथा माओवादी केन्द्रका अध्यक्ष दाहालले जनयुद्ध र जनआन्दोलनमा महिलाको भूमिका निर्णायक हुने बताउनुभयो ।

त्यसैगरी, प्रधानमन्त्रीले जनक्रान्तिको आधारमा स्थापित संघीय लोकतान्त्रिक गणतन्त्रलाई संस्थागत गरी जनतालाई थप सशक्त बनाउन क्रान्तिकारी महिलाको व्यापक एकताका लागि आह्वान गरे ।

प्रधानमन्त्री प्रचण्डले सबै माओवादी क्रान्तिकारी एकजुट भए २०६३ सालमा माओवादी पार्टीले पुनः बल प्राप्त गर्ने बताउँदै देशको व्यापक राजनीतिक परिवर्तनका श्रमजीवी महिला नै देशको ज्वालामुखी भएको तर्क गरे ।

कार्यक्रमलाई सम्बोधन गर्दै माओवादी केन्द्रका नेता जनार्दन शर्माले पार्टीका भ्रातृ संगठनले नीति तथा कार्यक्रम बनाएर जनताको हितमा परिचालन गर्नुपर्ने बताए । उनले संगठनमा दक्ष र कार्यात्मक टोली बनाउनुपर्ने तर्क गरे ।

कार्यक्रममा महासचिव देवप्रसाद गुरुङ, उपाध्यक्ष पम्फा भुसाल, अखिल नेपाल महिला संघ (क्रान्तिकारी)की अध्यक्ष अमृता थापा मगरलगायतले महिला आन्दोलन र त्यसले समाज र कम्युनिष्ट आन्दोलनमा पारेको सकारात्मक प्रभावका बारेमा धारणा राखेका थिए ।

worldwidekhabar

LEAVE A REPLY

Please enter your comment!
Please enter your name here