राष्ट्रपति रामचन्द्र पौडेलले वर्षा र फसलका देवता रातो मच्छिन्द्रनाथको पूजा–आराधना गरी मनाइने भोतोजात्रा पर्व आज मनाउनुभएको छ । राष्ट्रपतिले आज दिउँसो जावलाखेलमा भोटोजात्रा पर्वमा सरिक भई भोटो (देवताको मानिने रत्नले जडित पौराणिक बनियान) देखाउने अनुष्ठान गरेका थिए । यसै अनुष्ठानमा गुठी संस्थान ललितपुरका एक कर्मचारीले रातो मच्छिन्द्रनाथ देवताको रथको चुचुरोबाट भोटो प्रदर्शन गरेका थिए । भोटोको चौथो दिन लगनखेलबाट जावलाखेलसम्मको रथलाई जुलुसमा तानेर भोटो देखाउने चलन छ । सो अवसरमा प्रदेश प्रमुखले रातो मच्छिन्द्रनाथको पुजा अर्पण गर्नुका साथै प्रसाद ग्रहण समेत गरेका थिए । सो अवसरमा उनले जीवित देवी कुमारीको दर्शन समेत गरेका थिए । चैत ११ गतेदेखि सुरु भएको रथ महोत्सव आज भोटोको प्रदर्शनीसहित समापन भएको छ । समारोहमा उपराष्ट्रपति राम सहायप्रसाद यादव, प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे, उपप्रधानमन्त्री तथा गृहमन्त्री नारायणकाजी श्रेष्ठलगायत सरकारका मन्त्रीहरुको उपस्थिति रहेको थियो । भोटोजात्रा हेर्न जावलाखेलमा पनि ठूलो संख्यामा मानिसहरुको भिड लागेको थियो ।
