रुकुम पश्चिमको बनफीकोट गाउँपालिका–८ ठुलीमा जीप दुर्घटना भएको छ । बिहीबार बिहान भएको दुर्घटनामा चार जनाको घटनास्थलमै मृत्यु भएको र आठजना घाइते भएको बताइएको छ । सानीभेरी गाउँपालिका–५ मेलचौरबाट सदरमुकाम खलंगातर्फ जाँदै गरेको लु १ ज १७४७ नम्बरको जीप दुलीको मोतीखोलामा दुर्घटना भएको घटनास्थलबाट सानीभेरी गाउँपालिका–३ का नवराज पुनले बताए । दुर्घटनामा सानीभेरी गाउँपालिका–५ का देउचन खत्री, कर्णबहादुर बाथा, बाँफीकोट गाउँपालिका–८ की रेखा खत्री र उनका छोराको मृत्यु भएको छ । त्यस्तै आठ जना घाइते भएका छन् । दुर्घटनाको पूर्ण विवरण आउन बाँकी छ । जीप सडकबाट करिब चार सय मिटर तल खसेको बताइएको छ ।
