भोजपुरको पौवाडुङ्मा गाउँपालिकाले पौवाडुङ्मा गाउँपालिका–१ श्यामशिलाका अग्रणी कृषकलाई हात ट्याक्टर उपलब्ध गराएको छ । कृषिलाई सहज र आधुनिकीकरण गर्न वडाका अग्रणी कृषकलाई मिनी टिलर वितरण गरिएको हो । गाउँपालिकाले अनुदानमा कृषकलाई हात ट्याक्टर खरिद गरी वितरण गरेको गाउँपालिकाका प्रमुख प्रशासकीय अधिकृत नवीन भट्टराईले जानकारी दिनुभयो । ‘गरीबी निवारण, लघु उद्यम’ कार्यक्रमअन्तर्गत नगरपालिकाले किसानको २० प्रतिशत र नगरपालिकाको ८० प्रतिशत लगानीमा ट्रयाक्टर उपलब्ध गराएको छ । उनका अनुसार श्यामशिलाका १३ अग्रणी किसानले मिनी टिलर पाएका छन् । गाउँपालिकाका अध्यक्ष किरण राईले गाउँपालिकाभर कृषिलाई यान्त्रिकीकरण गर्ने उद्देश्यले समूह र व्यक्तिसँग आवद्ध किसानलाई कृषि सामग्री वितरण गरिएको बताए ।
