प्रधानमन्त्री पुष्पकमल दाहाल ‘प्रचण्ड’की धर्मपत्नी सीता दाहालको बुधबार दिउँसो आर्यघाटमा राजकीय सम्मानका साथ अन्त्येष्टि गरिएको छ । प्रधानमन्त्री प्रचण्डले चितामा दाहसंस्कार गरेका थिए । त्यसबेला छोरी रेणु र गंगा दाहाल पनि उपस्थित थिए । स्वर्गीय सीता दाहाललाई नेपाली सेनाले राजकीय सम्मान प्रदान गरेको छ । उनी नेकपा (माओवादी केन्द्र)की सल्लाहकार पनि थिइन् । बुधवार बिहान ८ बजेर ३३ मिनेटमा नर्भिक अस्पतालमा हृदयघात भएपछि ल्याइएको उनले अन्तिम सास लिइन् । उनी ६९ वर्षकी थिइन् ।
