नेकपा (माओवादी केन्द्र)की उपाध्यक्ष पम्फा भुसालको नेतृत्वमा पाँच सदस्यीय प्रतिनिधिमण्डल आज भारत भ्रमणमा प्रस्थान गरेको छ । छ दिने भ्रमणका क्रममा माओवादी केन्द्रका नेताहरुले भारत भ्रमण गरी भारतीय जनता पार्टी (भाजपा) को केन्द्रीय नेतृत्वसँग वार्ता गरिरहेका छन् । प्रतिनिधिमण्डलमा नेकपा (माओवादी केन्द्र)का सचिव चक्रपाणि खनाल, स्थायी समिति सदस्य सत्य पहाडी, केन्द्रीय सदस्य रामेश्वर यादव र सुरेशकुमार राई सहभागी छन् । भाजपाको निमन्त्रणामा माओवादी केन्द्रका नेताहरु भारत भ्रमणमा छन् । प्रस्थानअघि नेता भुसालले आफ्नो भ्रमण माओवादी केन्द्र र भाजपाबीच पार्टी–पार्टी सम्बन्ध सुदृढ गर्नेतर्फ केन्द्रित रहने बताउँदै आफ्नो पार्टीले भारतको भाजपा र चिनियाँ कम्युनिष्ट पार्टी (सीपीसी)सँग मैत्रीपूर्ण सम्बन्ध स्थापित गरिरहेको बताए ।
