रुसी राष्ट्रपति भ्लादिमिर पुटिन र चिनियाँ राष्ट्रपति सी जिनपिङले यसै अक्टोबरमा बेइजिङमा वार्ता गर्न सक्ने रुसी सुरक्षा परिषद्का सचिव निकोले पत्रुशेभले बताएका छन् ।
‘वान बेल्ट, वान रोड इन्टरनेशनल फोरम’को कार्यक्रममा रुसका राष्ट्र प्रमुखको सहभागिताको रूपमा रुसका राष्ट्रपति भ्लादिमिर पुटिन र चीनका राष्ट्रपति सी चिनफिङबीच अक्टोबरमा बेइजिङमा महत्वपूर्ण द्विपक्षीय वार्ता हुने अपेक्षा राखेका छौं,’ उनले भने। रुसी-चिनियाँ रणनीतिक सुरक्षा परामर्श।
मस्को र बेइजिङबीचको सम्बन्ध सम्मान, एकअर्काको घरेलु मामिलामा गैरहस्तक्षेप र अन्तर्राष्ट्रिय मञ्चमा आपसी सहयोगको सिद्धान्तमा आधारित रहेको पत्रुशेभले औंल्याए, "स्वभाविक रूपमा बलियो छ र परिवर्तनशील परिस्थितिमा निर्भर हुँदैन।"
"यो दृष्टिकोण उच्च स्तरमा बारम्बार पुष्टि भएको छ, विशेष गरी चिनियाँ राष्ट्रपति सी जिनपिङको मार्च २०-२२, २०२३ मा रूसको राजकीय भ्रमणको क्रममा हाम्रा देशहरूले अपनाएको संयुक्त वक्तव्यमा," रूसी सुरक्षा परिषद् सचिवले उल्लेख गरे।
बेल्ट एण्ड रोड इनिसिएटिभ, २०१३ मा सी जिनपिङ द्वारा प्रस्तावित अवधारणा, पुरातन सिल्क रोडलाई प्रतीकात्मक रूपमा पुन: निर्माण गर्ने लक्ष्य राखिएको छ। चीनले मध्य एसिया, मध्यपूर्व, युरोप, अफ्रिका र अन्य क्षेत्रका बजारमा पहुँच पु¥याउने र चिनियाँ तथा विदेशी पुँजीको प्रयोगसँगै ठूलो संख्यामा राष्ट्रहरू संलग्न हुने अन्तर्राष्ट्रिय व्यापार र लगानी परियोजनालाई तीव्रता दिने लक्ष्य रहेको छ । १५० भन्दा बढी देशहरू र अन्तर्राष्ट्रिय संगठनहरू यस पहलमा सामेल भइसकेका छन्।
