अर्थमन्त्री वर्षमान पुनले चालु आर्थिक वर्षमा मुलुकको राजस्व दोब्बर गर्न मातहतका निकायलाई निर्देशन दिनुभएको छ ।
बिहीबार प्रतिनिधिसभाको अर्थ समितिको बैठकलाई सम्बोधन गर्दै अर्थमन्त्री पुनले राजस्व वृद्धि गर्न भन्सार चुहावट रोक्न कार्ययोजना बनाएको बताए ।
भन्सार नाकामा समस्या रहेको स्वीकार गर्दै अर्थमन्त्री पुनले भन्सार नाका सुधारका लागि काम गरिरहेको बताए ।
उनले भन्सारमा सुधारको अनुभूति हुने अवस्था अर्को महिनाबाट आउने दाबी गरे ।
उनले आन्तरिक राजस्व संकलनमा सुधार र परिवर्तन ल्याउने प्रतिबद्धता जनाए । ४० प्रतिशतले राजस्व वृद्धि गर्ने लक्ष्य राखे पनि करिब ९ प्रतिशत मात्रै वृद्धि भएको छ ।
दुई आर्थिक ठूला मुलुक चीन र भारतबीच नेपाल जोडिएकाले करिब १ हजार ७ सय किलोमिटर खुला सिमाना छ ।
अर्थमन्त्री पुनले खुला सिमानाका कारण समस्या भइरहेको बताए । जनताको नियतभन्दा पनि समस्या क्षमताको हो ।
उनले मुलुकमा कम देखिए पनि सरकारले कृषिको संरक्षण गर्नुपर्ने बताए ।
भारतले कसरी कृषिको संरक्षण गरिरहेको छ भन्ने उदाहरण दिँदै उनले नेपाल त्यसो गर्न असफल भएको बताए ।
उनले प्रत्येक वर्ष किसानलाई दिइने मलमा ६० अर्ब रुपैयाँको अनुदानलाई कृषि क्षेत्रलाई प्राथमिकतामा राखेर बुझ्नुपर्ने बताए ।
