कास्कीको अन्नपूर्ण गाउँपालिका–४ भदौरेमा आज जीप दुर्घटना हुँदा १२ जना घाइते भएका छन् ।
पोखराबाट भदौरे जाँदै गरेको ग १ ज ५५४७ नम्बरको जीप दुर्घटना हुँदा १२ यात्रु घाइते भएको जिल्ला प्रहरी कार्यालय कास्कीले जनाएको छ ।
दुर्घटनास्थलबाट घाइतेहरुलाई उपचारका लागि पोखरा ल्याइएको जिल्ला प्रहरी कार्यालय कास्कीका निमित्त प्रवक्ता तथा प्रहरी निरीक्षक सूर्य रानाले जानकारी दिए ।
घाईतेहरुको अवस्था बुझ्न बाँकी रहेको राणाले जानकारी दिए । दुर्घटनास्थल पोखरा शहरबाट २९ किलोमिटर टाढा छ ।
स्थानीय बासिन्दाको सहयोगमा नेपाल प्रहरी र सशस्त्र प्रहरी बलको टोलीले उद्धार गरेको थियो । दुर्घटनाको विस्तृत विवरण आउन बाँकी रहेको प्रहरीले जनाएको छ ।
worldwidekhabar
