नेपालले अर्को साफ महिला फुटबल प्रतियोगिता आयोजना गर्ने भएको छ ।
क्षेत्रीय प्रतियोगिता अक्टोबर १७ देखि ३० सम्म त्रिपुरेश्वरको दशरथ रंगशालामा हुनेछ ।
दक्षिण एसियाली फुटबल महासंघ (साफ)को आज बसेको बैठकले प्रतियोगिता आयोजना गर्ने अधिकार नेपाललाई दिने निर्णय गरेको अखिल नेपाल फुटबल संघ (एन्फा)का प्रवक्ता सुरेशकुमार शाहले जानकारी दिए ।
नेपालसँगै भुटान र बंगलादेशले पनि प्रतियोगिता आयोजना गर्न दाबी पेश गरेका थिए ।