काठमाडौं । गायिका पुजन काफ्लेलाई यो वर्षको नवौं नेशनल क्यापिटल अवार्डमा ‘सर्वोत्कृष्ट महिला आधुनिक गायन’को अवार्ड प्रदान गरिएको छ ।
राजधानीको नेपाल पर्यटन बोर्डमा आयोजित उक्त समारोहमा गायिका काफ्लेलाई ‘चुपचाप’ बोलको गीतबाट उक्त अवार्ड प्रदान गरिएको मूल आयोजक समितिले जनाएको छ ।
समारोहका विशिष्ठ अतिथीद्धय पूर्व मुख्य मन्त्री एवं प्रतिनिधि सभा सदस्य राजेन्द्र पाण्डे,पूर्व मन्त्री एवं बागमती प्रदेश सदस्य दिपेन्द्र श्रेष्ठ तथा चलचित्र कलाकार संघका वरिष्ठ उपाध्यक्ष शिवहरि नेपाल ‘वैरागी’ले सो विधाको अवार्ड प्रदान गरेका थिए ।
पुरुष गायक तर्फबाट हिमाल सागरले उक्त अवार्ड हात पार्न सफल भएका थिए ।
केहि समय अघि मात्र पनि थाईलैण्डको बैंककमा भव्य समारोहका वीच हिमालयन ईन्टरनेशनल अवार्डमा सोही गीतबाट उत्कृष्ट गायिकाको अवार्ड जित्न सफल गायिका काफ्ले शिक्षाकर्मी संगै गायनमा समेत व्यस्त रहदै आएकी छिन ।
