सेयरबजारमा ४१ अंकको ‘करेक्सन’ तर बढेन कारोबार रकम

0
26

सेयरबजारमा आज ४१.८४ अंकको ‘करेक्सन’ देखिएको छ। 

मंगलबार नेप्से उक्त अंकले बढेर २६१२.६५ विन्दुमा पुगेको हो। क वर्गका कम्पनीको मापन गर्ने सेन्सिटिभ सूचक पनि आज ७.०४ अंकले बढेको छ। 

आजको कारोबारमा २२३ कम्पनी सामेल भएका छन्। यी कम्पनीको ५८ लाख ४२ हजार कित्ता सेयर बिक्री भएको छ। 

दिनभरिमा ४१ हजार पटकको खरिदबिक्रीपछि २ अर्ब ९९ करोड ६८ लाख रुपैयाँको कारोबार भएको हो। 

सूचक बढे पनि कारोबार रकम अघिल्ला दिनको तुलनामा भने कमै हो। 

कुल १३ उपसूचकमध्ये व्यापारबाहेकका सबै बढेका छन्। आज सात कम्पनीको सेयरमा सकारात्मक सर्किट लागेको छ। 

आज एउटा मात्रै कम्पनीका लगानीकर्ताले १० प्रतिशत नोक्सानी व्यहोरेका छन्। एनआईसी एसिया लघुवित्त वित्तीय संस्था लिमिटेडका लगानीकर्ताले गुमाएका हुन्। 

आज अधिकतम एउटा कम्पनीको १३ करोडसम्मको कारोबार भएको छ। 

LEAVE A REPLY

Please enter your comment!
Please enter your name here