गीत लेखेर विभिन्न १५ विश्व रेकर्ड कायम गरेका विश्वकीर्तिमानी गीतकार डा. डीआर उपाध्यायको नयाँ गीत ‘साक्षि राखेर भगवानलाई’ सार्वजनिक भएको छ । राज सागरको स्वर तथा सङ्गीत रहेको गीत ‘साक्षी राखेर भगवानलाई’को भिडियो सार्वजनिक भएको हो । यो गीत डा. डीआर उपाध्यायको केही समय पहिला सार्वजनिक एल्बम ‘नजरको तीर’मा समावेस रहेको छ ।
शुभाष प्रधानको निर्देशन रहेको सार्वजनिक गीतको भिडियोमा मनोज ओली र समिया कार्किलाई फिचरिङ गरिएको छ । डम्बर राईको छयाँकन रहेको गीतको भिडियोमा टेकेन्द्र शाहको सम्पादन रहेको छ । गीतको भिडियोलाई डीआर म्युजिक एण्ड क्रिएशन मार्फत सार्वजनिक गरिएको छ ।
डा. उपाध्यायका ‘प्रणय’, ‘कृति’, ‘माउण्टेन मेलोडी’, ‘नशालु नजर’, ‘सेभेन्थ कडस’, ‘अन्जान तिर्खा’, ‘जोहो’, ‘प्रतिनाद’, ‘नजरको तीर’, ‘अनुभूतिको मझेरी’, ‘स्वर्गघर’, ‘परिष्कृत’, ‘पृथक’, ‘सहेली’, ‘सौभाग्यको सिन्दुर’, ‘अन्तराप’, ‘जखम’ र ‘मायाको सागरमा’ जस्ता १९ वटा गीति एल्वमका सयौं गीत सार्वजनिक छन् । त्यस्तै उनका ‘अतिरिक्त’, ‘भाग्यचक्र’, ‘दगाबाज’ ‘स्वार्थी’, ‘अधुरो प्रेम’, ‘त्यागी’, ‘वज्रघात’, ‘अपवित्र छाया’, ‘बिटुली’ र सपनाकी रानी जस्ता दश उपन्यास पाठकमाझ आइसकेका छन् ।
डा. डीआर उपाध्यायका गीत सबै वर्ग, पेशा र समुदायका लागि रहेका छन् । गीत लेखेर डा. डीआर उपाध्यायले विभिन्न १५ वटा विश्व रकेर्ड राखेका छन् ।
