इन्डियन एम्बेसी, ‘स्वामी विवेकानन्द कल्चरल सेन्टर’ ( SVCC ) मा शास्त्रीय संगीत सिक्ने शिष्यहरुले आफ्नो गुरु ‘सुशान्त चौधरी ‘ ज्यूलाई सम्मान र सत्कार साथ भव्य रुपमा विदाई कार्यक्रम सम्पन्न गरे।
उक्त कार्यक्रममा सबै शिष्यहरू मिलि गुरु वन्दना गाई गुरुलाई स्वागत गरेका थिए। कार्यक्रममा होस्ट भने दहिया सरले गर्नुभएको थियो। कार्यक्रममा पहिलो गीतको प्रस्तुती भने बलराम श्रेष्ठले गरेका थिए ।
साथै कति शिष्यहरूले आफ्नो गुरुको प्रशंसा गरे भने कतिले गीत सङ्गीतको गुनगान गरी आफ्नो गुरु प्रतिको माया र सम्मान व्यक्त गरे।
गुरुजीले आफ्ना विद्यार्थीहरूलाइ आफूले सिकाएको ज्ञान, संगीत शिक्षालाई जीवनमा अझ धेरै अगाडि लैजान भनी आशीर्वाद दिनुभएकाे थियाे।
साथै नयाँ गुरु ‘आशिष सन्त‘ ज्यू को स्वागत पनि निकै राम्रो सँग शिष्यहरू द्वारा भएको थियो।
विभिन्न वाद्य वादन बाजाई गुरुहरुले पनि आफ्नो प्रस्तुति शिष्यहरु माझ प्रस्तुत गर्नु भएको थियो।
आफ्नो गुरुलाई मायाको चिनो स्वरूप विद्यार्थीहरूले हरेक कार्यक्रममा आफ्नो कला साथै संगीत प्रस्तुत गर्दा खिचिएका फोटो फ्रेमहरु दिएका थिए । फोटोमा बाधिएका यादहरू ताजा हुँदा र आफ्नो आमा सँगका फोटो गुरुले देखनुहुँदा निकै नै भावुक हुनु भएको थियो । सबै विद्यार्थीहरुपनि निकै भावुक भैसकेका थिए ।
कार्यक्रममा सामना सत्यालले गुरुलाई गिफ्ट दिने क्रममा आफ्नो पिताको भन्दा पनि माथि दर्जा दिदाँ गुरुले भन्नु भएको थियो ,’ मेरो लागि गिफ्ट भन्दा नि ठूलो चिज तिम्ले मलाई पिताको दर्जा दियौ‘ भन्दा कार्यक्रममा रुवावासी सम्म हुन पुगेको थियो ।
दहिया सरले कार्यक्रममा गुरुको मुखमा मुस्कान लेराउन र गुरुप्रतिको माया व्यक्त गर्दै भन्नुभएको थियाे ‘ मलाई तपाईं सँग एकतर्फी माया बस्यो‘ भन्नुहुँदा कार्यक्रममा निकै नै मनोरञ्जन थपिएको सबैलाई महसुस भएको थियो।
उक्त कार्यक्रममा इन्डियन एम्बेसी बाट गुरु सुशान्त चौधरी, डा. असावरी वापत, दहिया सर , योगा टिचर र आशिष सन्त गरुजी को उपस्थिती थियो भने शिष्यहरू : राज श्रेष्ठ, सामना सत्याल, सुनिल शर्मा, फिलिप चौधरी, प्राजेश राजवंशी, रुपेश झा, बलराम श्रेष्ठ, पुजा सिंह, रश्मी खनाल, रोमन तुलाधार, रौसन झा, रवि, अजय श्रेष्ठ, लक्ष्मी राना, अशेष लामा, शान्ती पाठक, अस्मिता भण्डारी, अञ्जली सुनाम र थुप्रै विद्यार्थीहरु उपस्थित थिए।
वोल्ड वाईड मिडिया नेटवर्कका चेएर पर्सन रामकृष्ठ श्रेष्ठ र इडिटर राज श्रेष्ठ को पनि कार्यक्रममा उपस्थिति थियो ।
उक्त कार्यक्रम वोल्ड वाईड मिडिया नेटवर्क अफिसमा सक्काएर सबैजना गुरुजी सँगै खाना खाएर गुरु मुहारमा कहिले नमेटिने मुस्कान दिएर कार्यक्रमको समाप्त गरेका थिए।
“गुरु ब्रह्मा है, गुरु विष्णु है, गुरु हि शंकर है;
गुरु हि साक्षात् परब्रह्म है; उन सद्गुरु को प्रणाम ।”
We will always Love You Susanta Guruji🙏
#worldwidekhabar
