पश्चिम सेतीलगायत जलविद्युत आयोजना निर्माण गर्ने प्रधानमन्त्रीको प्रतिबद्धता

0
46
प्रधानमन्त्री एवं नेपाली काँग्रेसका सभापति शेरबहादुर देउवाले पश्चिम सेती र तल्लो साना सेतीलगायतका जलविद्युत आयोजनाको निर्माण सम्पन्न गर्ने प्रतिबद्धता व्यक्त गर्नुभएको छ ।

डडेल्धुराको नवदुर्गा गाउँपालिका–४ बेलापुरमा आज चुनावी सभालाई सम्बोधन गर्दै प्रधानमन्त्री देउवाले देशको सुदूरपश्चिम क्षेत्रलाई आर्थिक रुपमा समृद्ध बनाउन जलविद्युतको विकासमा ध्यान दिइने बताए ।

‘पश्चिम सेती सुदूरपश्चिमको मात्र नभई देशको अर्थतन्त्रलाई पनि उकास्ने आयोजना हो । हामीले यसको निर्माण सम्पन्न गरेपछि ठूलो मात्रामा रोजगारी सिर्जना गर्न सक्छौं। र यो आयोजना निर्माणका लागि सम्झौता भइसकेको छ,’ प्रधानमन्त्री देउवाले भने ।

उनले सेती र महाकाली क्षेत्रका जनतालाई आर्थिक रुपमा सबल बनाउन नयाँ योजना ल्याउने प्रतिवद्धता व्यक्त गर्दै सत्तारुढ गठबन्धनका उम्मेदवारलाई विजयी गराउन सबैलाई आग्रह गरे ।

प्रधानमन्त्री देउवाले नेपाली भूमि लिम्पियाधुर, कालापानी र लिपुलेक फिर्ता गराउन कूटनीतिक पहल गरिने बताउनुभयो । उनले सीमा विवादका विषयमा सरकारले भारत र चीन दुवैसँग कूटनीतिक वार्ता गर्ने बताए ।

अघिल्लो सरकारले दुई पटक संसद विघटन गरेको कदमको आलोचना गर्दै प्रधानमन्त्री देउवाले सत्तारुढ गठबन्धन संसद र सरकारको स्थायित्वका लागि बनेको स्पष्ट पारे ।

#worldwidekhabar

LEAVE A REPLY

Please enter your comment!
Please enter your name here