अभिनेत्री एवम् मोडल नीतु कोइरालाले नेपाल र भारत दुबै देशमा अवार्ड ग्रहण गर्न सफल हुनुभएको छ । उहाँले भारतबाट शान्ती अवार्ड प्राप्त गर्नुभएको छ भने नेपालमा तीज गीत युगल मोडलको उपाधी प्राप्त गर्नुभएको छ ।
भारतको ‘पिस अफ इन्डिया संस्थाले आफ्नो चौथो वार्षिकोत्सवका अवसरमा विभिन्न क्षेत्रमा विशेष योगदान पुर्याउने व्यक्तिहरूलाई सम्मान पुरस्कार र अवार्ड प्रदान गरेको हो । जसमा नीतुसमेत अवार्डेड हुनुभएको छ । नीतुसँगै पुरस्कृत हुनेहरुमा बलिउडमा ९० को दशकमा बनेको सुपरहिट फिल्म ‘आशिकी’ का नायक राहुल रोय, मिसेज एसिया विनर मोडेल तथा नायिका हिना कौसेर, बलिउड अभिनेता वरुन सुरी तथा राज अरोरालगायत हुनुहुन्छ ।
नेपालमा नीतु आफ्नो परिचयलाई जति बलियो बनाउन सफल हुनुभएको छ त्यति नै फराकिलो परिचय बनाइसकेकी छिन् छिमेकी मुलुक भारतमा पनि ।
उहाँले ७२ घण्टा, टिचर, यो माया कस्तो मायासहित थुप्रै चलचित्र, भिडियो चलचित्र, टेलिशृङ्खला सिस्नु पानी, अधिकार तथा एक दर्जनभन्दा बढी म्युजिक भिडियोहरुमा अभिनय गरिसक्नु भएको छ ।
