प्रधानमन्त्री देउवा र जनता पार्टीका अध्यक्ष डा राउतबीच भेटवार्ता

0
39
प्रधानमन्त्री शेरबहादुर देउवासँग जनता पार्टीका अध्यक्ष डा सिके राउतले आज साँझ प्रधानमन्त्री निवास बालुवाटारमा भेटवार्ता गरेका छन् । उनीहरुले आगामी दिनमा सँगै काम गर्ने विषयमा छलफल गरेका छन् ।

प्रधानमन्त्री देउवाको सचिवालयले सो जानकारी दिएको हो ।

तराई/मधेसमा नयाँ राजनीतिक शक्तिका रूपमा उभिएको जनता पार्टी सत्तारुढ गठबन्धनसँग मिलेर काम गर्न इच्छुक रहेको बुझिएको छ । यसअघि नेपाली कांग्रेसका नेता विमलेन्द्र निधि र डा राउतबीच भेटवार्ता भएको थियो ।

सप्तरी क्षेत्र नं २ बाट उपेन्द्र यादवलाई पराजित गर्दै डा राउत प्रतिनिधिसभामा निर्वाचित भएका हुन् । राउतले ३५ हजार ४२ मत पाएका छन् । मंसिर २० गते भएको प्रतिनिधिसभा र प्रदेशसभाको निर्वाचनको समानुपातिकतर्फ पार्टीले अहिलेसम्म ३ लाख ९४ हजार २७६ मत प्राप्त गरेको छ ।

WorldWide Khabar

LEAVE A REPLY

Please enter your comment!
Please enter your name here