७१३ राहदानीसहित तीन जना पक्राउ

0
21
काठमाडौं महानगरपालिका–२६ गोंगबुबाट काठमाडौं प्रहरीले ७३१ राहदानीसहित तीन जनालाई पक्राउ गरेको छ । गोंगबु प्रहरी चौकीबाट खटिएको प्रहरी टोलीले गोंगबुका दुई होटलबाट पक्राउ गरी उनीहरुको पासपोर्ट बरामद गरेको प्रहरी प्रधान कार्यालयले जनाएको छ ।

पक्राउ पर्नेमा कञ्चनपुर बेतकोट नगरपालिका–३ का ४८ वर्षीय लोकजंग खड्का रहेका छन् । उनी हाल काठमाडौंको टोखा नगरपालिका–९ मा बस्दै आएका थिए । अनुसन्धान भइरहेको प्रहरीले जनाएको छ ।

यस्तै, प्रहरीले त्रिभुवन अन्तर्राष्ट्रिय विमानस्थलबाट १४ हजार ४ सय साउदी रियालसहित एक जनालाई पक्राउ गरेको छ । पक्राउ परेका धनुषाका एमडी नजिमलाई विमानस्थलमा सुरक्षा जाँचका क्रममा पक्राउ गरिएको हो ।

उनी कतार एयरवेजको विमानमा दोहा हुँदै साउदी अरब जान लागेका थिए । बरामद गरिएको रकममा साउदी रियाल ५०० दरका २४ वटा र २०० साउदी रियालका १२ वटा नोट रहेका छन् । अनुसन्धान भइरहेको प्रहरीले जनाएको छ ।

LEAVE A REPLY

Please enter your comment!
Please enter your name here