बेरोजगारलाई रोजगार दिनु राज्यको कर्तब्य

0
24

-डा.डिआर उपाध्याय,

नयाँ सरकार बनेसँगै केही थोरै भए पनि जनतामा आशा पलाएको छ । जनतामा पलाएको आशा मर्न दिनु हुदैन । यो सरकारको दायित्व र कर्तव्य दुबै हो । जनतामा निराशा छायो भने देशमा समस्या उत्पन्न हुन सक्छ । त्यसो भएकोले सरकारले समयमै देश र जनताकोे पक्षमा काम गरेर देखाउनु पर्छ । जनताआशावादी हुनु भनेको राम्रो संकेत हो ।नयाँ सरकार सामु अबसर संगै चुनौति पनि छन । बर्तमान प्रचण्ड सरकारले चुनौतिलाई पार गदैं राम्रो काम गरेर देखाउनु पर्ने आबश्यकता देखिएको छ । अब राजनीतिक दल र तिनका नेताहरु मुलुक प्रति चिन्तित बन्नु पर्ने बेला आएको छ ।

राजनीतिक दल र तिनका नेताहरु इमान्दार नबन्दा सम्म देश बन्न सक्दैन । सबै भन्दा ठूलो कुरा इमान्दारीता हो । देश बनाउने भनेको इमान्दार र दुरदर्शी नेताले हो । राजनीतिमा दुरदर्शीता चाहिन्छ ।अहिले सम्म दलका हर्ताकर्ताहरुले आफनो स्वार्थ बाहेक अरु केही हेरेनन् । त्यसले गर्दा पनि देश बन्न नसकेको हो । अब त्यस्तो हुन दिनु हुदैन । मुलुकलाई बिकास र समृद्धिको यात्रामा अघि बढाउन सबैले आ आफनो ठाउबाट सहयोग गर्नु पर्छ । देश बनाउने भनेको मिलेर हो । अब सरकारले चुनावका बेला जनतालाई दिएका आश्वासन र प्रतिबद्धता कार्यान्वयनमा देखाउनु पर्छ ।

जनताले खोजेको कुरा नै यो छ अहिले । आज देशमा बेरोजगारी समस्या दिन प्रति दिन बढदै छ । बेरोजगारलाई रोजगार दिनु राज्यको कर्तब्य हो । राज्यले यो कुरामा बिशेष ध्यान दिनु पर्ने आबश्यकता छ । स्वदेशमा काम नपाएपछि आफ्नो जहानपरिवार पाल्नका लागि धेरै युवाहरु बाध्यात्मकरूपमा विदेसिनुपर्ने अवस्था छ । गाउँघरमा वृद्ध आमाबाबु बाहेक अरु बस्न छोडे । यो ठूलो समस्या हो । देशमा सामान्य जीविकोपार्जन गर्न सकिने अवस्था सिर्जना गरेर राज्यले चमत्कार देखाउन सके सबै खुशि हुने थिए । युवाशक्ति विदेसिनाले देशमा जनशक्तिको अभाव भइरहेको छ । रहरले कोही खाडी मुलुक गएका छैनन् त्यो सब बाध्यात्मक हो । अब सरकारले देशमै रोजगारी सिर्जना गर्ने बातावरण मिलाउनु पर्छ । सधै भरी मुलुक यस्तै अबस्थामा रहन सक्दैन । बिकाश र समृद्धि आजको आबश्यकता हो ।

अब सरकार गम्भिर भएर अघि बढनु पर्छ । अब कुरा गरेर होइन, काम गरेर देखाउनु पर्छ । जनताले परिणाम खोजेका छन । अब सरकारले स्वरोजगारका सम्भाव्यताको खोजी गर्नुपर्छ । पढे लेखेका अधिकांश युवा काम नपाएर सडकमा भौतारीरहेको हामीले देखिरहेका छौ । बेरोजगारी समस्या भनेको ठूलो समस्या हो । यो समस्या छिटो हल गदैं जानु पर्छ । समस्या आउछन तर ती समस्या संग डटेर अघि बढने आँट र साहस गर्नु पर्छ । बर्तमान सरकार देश प्रति गम्भिर भएको देखिन्छ । तर काम गदै जादा यो सरकारको गति कस्तो हुन्छ त्यो त हेर्न बाँकी नै छ । अब सरकारले गतिका साथ काम गरेर जनतालाई परिणाम दिनु पर्छ ।

LEAVE A REPLY

Please enter your comment!
Please enter your name here