काठमाडौं ।  गायक रामकृष्ण ढकाल तथा गायिका तृप्ति खड्का गुरुङ्गको युगल स्वरमा ‘छ माया छपक्कै’ बोलको गीतको भिडियो सार्वजनिक भएको छ । दिपेन्द्र केशर पण्डित तथा शर्मिला पण्डितको निर्माणमा तयार भएको भिडियोको गीतको शव्द ज्ञानेन्द्र क्षेत्री तथा संगीत गायिका स्वयं तृप्तिले गरेकी हुन । सारेगम स्टुडियोमा तयार गरिएको गीतको एरेन्ज,मिक्सिङ्ग तथा मास्टरिङ्ग नरेश पाण्डेले गरेका थिए ।

विजय गुरुङ्गको निर्देशनमा तयार भएको भिडियोमा फिचर्ड स्वयं निर्देशक गुरुङ्ग र मोडल मिस पवि रहेका छन । कुलेखानीको रमणीय दृश्यहरु समेटिएको भिडियोलाई छायांकार प्रकाश खड्का तथा उनको टिमले छायांकन गरेका छन । भने भिडियो सम्पादन मिलन विश्वकर्माले गरेका हुन । गीतको भिडियो तृप्ति खड्का गुरुङ्गको आफ्नै युट्यूब च्यानलबाट सार्वजनिक गरिएको छ ।

प्रधानमन्त्री केपी शर्मा ओलीले सोमबार काभ्रेको बनेपामा ‘सिनेपाः’ नामक इन्डोर फिल्म स्टुडियो निर्माण सुरु भएको औपचारिक घोषणा गरे।

प्रधानमन्त्री निवास बालुवाटारमा आयोजित कार्यक्रममा स्टुडियो निर्माणको शिलापत्र अनावरण गर्दै ओलीले ‘आजको दिन नेपाली सिनेमा क्षेत्रको युग परिवर्तनको संकेत’ भएको बताए। “अब हाम्रो सिनेमा घरभित्रै निर्माण हुन्छ, त्यो पनि अत्याधुनिक संरचनाभित्र,” उनले भने।

बनेपा नगरपालिका–१० र १३ को ४१ रोपनी जग्गामा बन्ने स्टुडियो सन् २०२६ भित्र सम्पन्न गर्ने लक्ष्य राखिएको छ। ३९ करोड रुपैयाँ अनुमानित लागतको यो परियोजनाले नेपाली फिल्म उद्योगलाई ‘सस्टेनेबल’ बनाउने अपेक्षा गरिएको छ।

प्रधानमन्त्रीले डबिङ, गायन र प्रविधिसम्बन्धी अन्य युनिटहरू पनि स्टुडियोमा समेटिनुपर्ने सुझाव दिए। उनले अघिल्लो कार्यकालमा दोलखामा फिल्म नगरी र पालुङटारमा स्टुडियो निर्माणको प्रस्ताव गरे पनि ‘कलाकारकै असहमतिको कारण’ त्यसले मूर्त रूप लिन नसकेको उल्लेख गरे।

कार्यक्रममा सञ्चार तथा सूचना प्रविधिमन्त्री पृथ्वीसुब्बा गुरुङले फिल्म क्षेत्रका कानुनी सुधार प्रक्रियाबारे जानकारी दिए। उनले चलचित्र ऐन, मिडिया काउन्सिल र सामाजिक सञ्जालसम्बन्धी विधेयक संसद्मा पुगेको उल्लेख गर्दै पुराना कानुनलाई समयसापेक्ष बनाउन सरकार प्रतिवद्ध रहेको बताए।

पूर्वमन्त्री तथा सांसद गोकुल बास्कोटाले स्टुडियोका लागि जग्गा उपलब्ध गराएको जानकारी गराउँदै स्थानीय जनप्रतिनिधिहरूको भूमिका सराहे। निर्देशक नीर शाहले प्रविधिमा आधारित, बहुउद्देश्यीय स्टुडियो बनाउने सुझाव दिए। चलचित्र विकास बोर्ड अध्यक्ष दिनेश डीसीले आगामी साताबाट ‘रियल टाइम बक्स अफिस’ सुरु हुने जनाउँदै, “सकारात्मक सोचले असम्भव पनि सम्भव हुन्छ” भने।

नेपाली फिल्म क्षेत्रले लामो समयपछि ‘सपना देख्ने हैसियत’ बनाएको भन्दै निर्माण प्रक्रिया ठोस रूप लिनु आफैंमा उल्लेखनीय मानिएको छ। तर अब प्रश्न, यो स्टुडियोले नेपाली फिल्मलाई कहाँ पुर्‍याउला?

काठमाडाैँ – चलचित्र विकास बोर्ड अन्तर्गतको चलचित्र कल्याण कोषले बिरामी चलचित्रकर्मी र अकालमा मृत्यु भएका चलचित्रकर्मीका परिवारलाई आर्थीक रुपमा सहयोग गरेको छ। नेपालको चलचित्र क्षेत्रमा योगदान पुर्याएका चलचित्रकर्मीहरुलाई चलचित्र कल्याण कोषले बैशाख १९ गते घर घरमा गएर सहयोग गरेको हो।

चलचित्र कलाकार गोकुल सुवेदीलाई ४० हजार, चलचित्र प्राविधिक कृष्ण प्रसाद तिमल्सिनाको परिवारलाई ५० हजार, चलचित्र प्राविधिक तथा छायांकार उमेश श्रेष्ठ र चलचित्र निर्देशक सन्तोष ढकाललाई १ लाँख रुपैँया सहयोग गरेको चलचित्र विकास बोर्डका अध्ययक्ष दिनेश डि.सीले जानकारी दिए।

उनका अनुसार मृतक चलचित्र प्राविधिक कृष्ण प्रसाद तिमल्सिनाको परिवारलाई काजक्रिया खर्च घरमा गई हस्तान्तरण गरेको हो। उनले भने,’ हामीले चलचित्र प्राविधिक तथा छायांकार उमेश श्रेष्ठलाई पनि घरमा नै गएर दियौँ र उपचारको क्रममा रहनुभएका चलचित्र निर्देशक सन्तोष ढकाललाई अस्पतालमा उपस्थित भई दिएका हौँ। यसरी आफ्नो क्षेत्रका सहकर्मीहरुलाई सहयोग गर्न पाउँदा हामी अत्यन्तै खुसी छौँ।’  सो वितरणका लागि चलचित्र कलाकार संघका अध्यक्ष मोहन निरौला, वरिष्ठ अभिनेत्री एवं चलचित्र कलाकार संघका संरक्षक वसुन्धारा भुषाल तथा चलचित्र प्राविधिक संघका अध्यक्ष पुस्कर लामाको उपस्थिती रहेको थियो ।

मदन कृष्ण श्रेष्ठको ‘मनमा पापको ‘प’ पनि’ बोलको गीतको म्यूजिक सार्वजनिक भएको छ ।

बुधबार काठमाडौंमा आयोजित एक कार्यक्रममा श्रेष्ठको ७५ औं जन्मदिनको अवसर पारेर उक्त म्यूजिक भिडियो सार्वजनिक गरिएको हो ।

म्यूजिक र शब्द मदन कृष्ण श्रेष्ठ आफैको रहेको गीतमा यमन श्रेष्ठ र मदन कृष्ण श्रेष्ठ आफैले आवाज दिएका छन् ।

साथै अभिनय पनि बाबु छोराले नै गरेका छन्  । भिडियोको निर्देशन मदनकृष्ण श्रेष्ठकै बुहारी  रिंकु बज्राचार्य श्रेष्ठले गरेकी छन् । श्रेष्ठ परिवार नै गीत संगीतमा सक्रिय रहेका छन ।

मदनकृष्णका छोरी सराना श्रेष्ठ पनि कुशल गायिका एवं निर्देशक हुन ।

अस्ट्रेलिया –  हिमाली कल्चरग्रुप मेलवन अस्ट्रेलियाको आयोजना, इभेन्ट्स नेपाल अस्ट्रेलियाको साझेदारीमा विवाहीत महिलाहरुमा केन्द्रित “मिसेस नेपाल अस्ट्रेलिया ” आयोजना गर्ने घोषणा भएको छ ।

उक्त कार्यक्रमको लागि आवेदन पनि खुल्ला भइसकेको छ । विबाहित महिलाहरुको सहभागीता लाइ ध्यानमा राखि हिमाली कल्चरग्रुप मेलवर्नले यो कार्यक्रम पहिलो पटक गर्न लागेको हो ।

महिलाहरुको व्यक्तित्व विकास, आत्मविश्वास अभिवृद्धि, वाक कला तथा नेतृत्वदायी क्षमताको विकास साथै त्यसको आवश्यकताको महसुस गरी सोही अनुरुप त्यसको उपयोगिताबारे मार्ग निर्देशन दिंदै अन्तर्राष्ट्रिय क्षेत्रमा एउटा सक्षम महिला र जिम्मेवार व्यक्तिको रुपमा अगाडि बढाउनका साथै नेपालको पर्यटनक्षेत्रमा सहयोग गर्ने हेतुले यो कार्यक्रमलाई विस्तार गरिन लागिएको हो ।

विगत दश वर्ष देखि अस्टेलियामा रहेर नेपाल र नेपाली समाजको लागि विभिन्न सामाजिक सांस्कृतीक तथा मनोरञ्जनात्मक कार्यक्रमहरु गर्दै आएको हिमाली कल्चरग्रुपले यस वर्ष देखि निरन्तर रुपमा इभेन्ट्स नेपाल अस्ट्रेलियाको साझेदारीमा यो प्रतियोगितात्मक कार्यक्रम गर्न लागेको हो । यो कार्यक्रममा नेपालबाट अस्टेलिया आएर अस्ट्रेलिया भर विभिन्न पेशा व्यवसायीको रुपमा काम गरि रहनु भएका विबाहीत महिलाहरु सहभागी हुन पाउनु हुनेछ ।

यस कार्यक्रममा ३० जना प्रतियोगी समावेश गराइने छ ।  उक्त प्रक्रियावाट छनौट भएका प्रतियोगीहरुलाई प्रशिक्षणको क्रममा शारारिक फिटनेश, जुम्वा, एरोविक्स, सेल्फ डिफेन्स, सेल्फ मेकअप, फोटो सेसन,टेवल म्यानर, व्यक्तित्व विकास सम्वन्धी पनि प्रशिक्षण, हिड्न बोल्न साथै प्रश्न उत्तर सिकाइने छ ।

स्टेज पर्फमेन्स क्याटवाक आदि लगायतका विद्यामा भने अन्तर्राष्ट्रिय कोरियोग्राफर रोजीन शाक्यले प्रशिक्षण गर्नु हुनेछ । साथै नेपालमा विगत १६ बर्षदेखि निरन्तरुपमा विभिन्न कार्यक्रमहरु सन्चालन तथा आयोजना गर्दै आइ रहेको सिजन मिडियाले व्यवस्थापन गर्ने छ । उक्त कार्यक्रममा नेपाली कलाकार, पत्रकार ,समाज सेवी तथा विशिष्ट व्यक्तिहरुको सहभागी रहने छ ।

प्रतियोगिताका विजेताहरुले “मिसेस नेपाल अस्ट्रेलिया २०२५”को उपाधी सहित नेपालको पर्यटन क्षेत्रको प्रचारप्रसारको लागि ब्राण्ड एम्बेसडर, साथै नेपाल भ्रमणको गिफ्ट प्याकेज साथै अन्य २ जना विजेताहरुलाई बालि भ्रमणको लागि हवाई टिकटहरु प्रदान गरिने छ भने लेटमिइन कोरीयन स्कीन हस्पिटल नेपालको तर्फवाट ५० हजार बराबरको गिफ्ट भौचर प्रदान गरिने छ ।

यस बाहेक अन्य उपहारहरु पनि प्रदान गरिने छ साथै अन्य विभिन्न १५ विधामा पनि उपविजेता छनौट गरिनेछ । विजेतालाई विभिन्न अन्तर्राष्ट्रिय प्रतियोगीतामा सहभागी गराइने छ ।

Kathmandu. Media personality and world-renowned music video director Rajendra Luitel (Raj) has won the Best Music Video Director award of the year at a grand ceremony held in Nepal.

World-renowned director & Guinness World Record Holder  Rajendra Luitel was presented with the award for the music video of the song Maya Marau at a grand ceremony held at the Nepal Tourism Board at Bhrikuti Mandap in the capital. At the grand ceremony of the 9th National Capital Awards, he received the award from former Chief Minister of Bagmati Province and member of the House of Representatives Rajendra Pandey, former Minister of Bagmati Province and state MP Dipendra Shrestha, and senior artist Shivahari Nepal Bairagi.

Rajendra Luitel who managed to make his name in the Guinness Book of World Records by producing the highest music video, was honored with the Dadasaheb Phalke Indian Television Award in Mumbai, India, a few months ago. Indian news media reported that he was honored with the Dadasaheb Phalke Award in recognition of his contribution to the expansion and development of Nepal-India diplomatic relations through journalism for nearly two decades, as he worked in various media outlets.

Rajendra Luitel , who recently won the Best Video Director award for the video of the same song at the ‘Genius Music Awards’ held in Nepal and the ‘Himalayan International Awards’ held in Thailand, is also busy with video production recently.

Rajendra Luitel, who is associated with the media through print journalism, is currently the head of Rashtrakhabar.com, Rastrakhabar Patrika and Pageant Nepal. Rajendra Luitel, who is also the Vice President of the Event Management Association Nepal, has been honored many times by world-renowned organizations including Guinness World Records, America World Records of Books, European World Records, British World Records of Books, Dr. APJ Abdul Kalam Service Award in India, International Youth Icon Award India, Mahatma Gandhi International Award India, International Peace Award, India, Indo Nepal Journalism Award, and many more.

He is the Managing Director of Fair Express Magazine and is known as a successful Event manager in Nepal.

काठमाडौं । गायिका पुजन काफ्लेलाई यो वर्षको नवौं नेशनल क्यापिटल अवार्डमा ‘सर्वोत्कृष्ट महिला आधुनिक गायन’को अवार्ड प्रदान गरिएको छ ।

राजधानीको नेपाल पर्यटन बोर्डमा आयोजित उक्त समारोहमा गायिका काफ्लेलाई ‘चुपचाप’ बोलको गीतबाट उक्त अवार्ड प्रदान गरिएको मूल आयोजक समितिले जनाएको छ ।

समारोहका विशिष्ठ अतिथीद्धय पूर्व मुख्य मन्त्री एवं प्रतिनिधि सभा सदस्य राजेन्द्र पाण्डे,पूर्व मन्त्री एवं बागमती प्रदेश सदस्य दिपेन्द्र श्रेष्ठ तथा चलचित्र कलाकार संघका वरिष्ठ उपाध्यक्ष शिवहरि नेपाल ‘वैरागी’ले सो विधाको अवार्ड प्रदान गरेका थिए ।

पुरुष गायक तर्फबाट हिमाल सागरले उक्त अवार्ड हात पार्न सफल भएका थिए ।
केहि समय अघि मात्र पनि थाईलैण्डको बैंककमा भव्य समारोहका वीच हिमालयन ईन्टरनेशनल अवार्डमा सोही गीतबाट उत्कृष्ट गायिकाको अवार्ड जित्न सफल गायिका काफ्ले शिक्षाकर्मी संगै गायनमा समेत व्यस्त रहदै आएकी छिन ।

काठमाडौं । लोकप्रिय गायिका तृप्ति खड्का गुरुङ्गले यो वर्षको नवौं नेशनल क्यापिटल अवार्डमा सर्वोत्कृष्ट गायिकाको अवार्ड चुम्न सफल भएकी छिन ।

राजधानीको भृकुटीमण्डपस्थित नेपाल पर्यटन बोर्डमा आयोजित उक्त विशेष समारोहमा उनले गाएको ‘तिम्रो झझल्को ‘बोलको गीतबाट सर्वोत्कृष्ट महिला गायनबाट अवार्ड हात पारेकी हुन । पुरुष गायक तर्फबाट हिमाल सागरले उक्त अवार्ड हात पार्न सफल भएका थिए ।

एघार लाख भन्दा वढि पटक हेरिएको उक्त गीतको भिडियो २०८१ साल हरि उफ्रेती अफिसियल युटुयूब च्यानलबाट सार्वजनिक गरिएको थियो ।

समारोहका विशिष्ठ अतिथीद्धय पूर्व मुख्य मन्त्री एवं प्रतिनिधि सभा सदस्य राजेन्द्र पाण्डे,पूर्व मन्त्री एवं बागमती प्रदेश सदस्य दिपेन्द्र श्रेष्ठ तथा चलचित्र कलाकार संघका वरिष्ठ उपाध्यक्ष शिवहरि नेपाल ‘वैरागी’ले गायिका तृप्तिलाई सो विधाको अवार्ड प्रदान गरेका थिए ।

डेढ दशक भन्दा लामो समयदेखि सांगीतिक क्षेत्रमा सक्रिय गायिका तृप्तिका करिब ५०० भन्दा वढि गीतहरु बजारमा सार्वजनिक भएका छन । संगीत समेत स्वयं गर्ने गायिका तृप्तिले स्टेज शो लगायत देश विदेशका विभिन्न समारोहमा करिब एक हजार भन्दा वढि पटक आफ्नो आकर्षक प्रस्तुती दिईसकेकी छिन ।

उनको पहिलो गित लोक पप‘ बैशले मातिए’ गितले चर्चा पाए पश्चात स्टेज शोहरुमा व्यस्त हुन थालेकी हुन ।

विभिन्न विधामा अवार्ड हात पार्दै आएकी तृप्तिको जादुमय स्वरले लाखौ दर्शक श्रोताको मन जित्दै आईरहको छ । सारेगम स्टुडियोकी संचालक समेत रहेकी तृप्तिका थुप्रै गीतहरु दर्शक श्रोताको मनमस्तिष्कमा बस्न सफल छन ।

हिजो मात्र उनको नयां गीत ‘तिम्रो धड्कन’ आफ्नै युटुयूब च्यानलबाट सार्वजनिक गरिएको छ ।