अहिले देशमा लकडाउनको अवस्था छ । यसका कारण आम जनजीवन प्रभावित भईरहेको छ । धेरै ठाउँमा अझै पनि जनचेतनाका अभाबको कारण रोग संक्रमण फैलिने क्रम बढ्दो छ । यसका लागि आज भोली जनचेतना जगाउने हेतु नेपाली सांगितिक क्षेत्रका कलाकारहरु लागि आफ्नै तवरले लागि परेका छन ।
यसै बिच चर्चित संगीतकार महेश ज्ञवालीद्वारा संगीतबद्ध गीत ‘जय होस्’ बोल रहेको गीत केही समय अगाडी रिलिज गरिएको थियो जसमा वरिष्ठ गायिका तथा सुमधुर आवाजकी धनी दिपा नारायण झाको स्वर रहेको थियो । सोही गीतको नेवारी संसकरण ‘जय जुइ’बोलको अर्को भिडियो रिलिज गरिएको छ । गीतमा गायक सिद्धार्थ बज्राचार्यको स्वर रहेको छ भने शब्द स्वयम संगीतकार ज्ञवालिको रहेको छ ।

प्रस्तुत भिडियोलाई आस म्युजिक कम्पनीको सहयोग रहेको छ । भिडियोलाई सुशिल दाङगीले सम्पादन गरेका हुन ।

राष्ट्रिय तथा अन्तर्राष्ट्रिय फेसन तथा सौन्दर्य प्रतियोगिताको कोरियोग्राफी, नेपाल भाषाको समाचार वाचन, फेसन पत्रकारिता, मंचीय कार्यक्रमको उद्घोषण, फेसन कलेज अध्यापन लगायतका क्षेत्रमा आफूलाई निरन्तर सक्रिय राख्दै आएका फेसन कोरियोग्राफर एवं संचारकर्मी रोजिन शाक्यले सामाजिक संजालको प्लेटफर्मलाई प्रयोग गर्दैै आफ्नो फेसबुक पेजमा लाइभ टक शो संचालनमा ल्याएका छन् । ‘स्पीक टू मी’ नाम दिइएको उक्त टक शो विगत ५ साताबाट नियमित रुपमा शुक्रबार र शनिबार साँझ ४ बजेबाट करिब एक घण्टा संचालन हुने गरेको छ । विशेषतः फेसन, मोडलिङ, ब्युटी, संचार, अभिनय तथा सौन्दर्य प्रतियोगिता क्षेत्रमा उपलब्धी हासिल गरेका व्यक्तित्वहरुको उपलब्धी, उनीहरुको क्यारिएर, व्यवसायिक यात्राको विभिन्न पाटो संगै व्यक्तिगत जीवनका रमाइला पक्षहरुको सेरोफेरोमा सो कार्यक्रम केन्दि«त रहेको छ । कार्यक्रमको प्रारम्भिक चरणमा उल्लेखीत क्षेत्रका व्यक्तिहरुमा केन्दि«त रहेता पनि विस्तारै यसको स्वरुपमा समाजका अन्य क्षेत्रमा महत्वपूर्ण उपलब्धी हासिल गरेका युवाहरुलाई पनि समेटिने छ ।

हालसम्म रोजिनले संचालन गर्दै आएको ‘स्पीक टू मी’ मा मिस कस्मोपोलिटन वल्र्ड २०१९ प्रिया रानी लामा, मोडल एवं मिस इको इन्टरनेसनल नेपाल २०१९ मुना गौचन, मोडल एवं अभिनेत्री सुमी मोक्तान, मोडल तथा मिष्टर ओसियन नेपाल २०१७ विवेक खड्का, मोडल एवं अभिनेता एसराज गराच, मिस लिटिल प्रिन्सेस् इन्टरनेसनल २०१८ प्रितान्शा थापा, मेकअप आर्टिष्ट स्वस्तिका राजभण्डारी, फेसन डिजाइनर मनिश राईलाई प्रस्तुत भइसकेका छन् । 
टेलिभिजन कार्यक्रम प्रस्तोताका रुपमा यसअघि वि.सं. २०५८ सालमा च्यानल नेपालको पर्दामा नेपाली चलचित्र सम्बन्धीत दुई वटा कार्यक्रमहरु सप्तरंगी र सिनेबाइट्स संचालन गरेका रोजिनले वि.सं. २०६० सालमा एनटिभि टुमा प्रवेश गरेका थिए । त्यहाँ करिब ६ वर्ष सम्म फेसन सम्बन्धीत कार्यक्रम फेसन बज र चलचित्र सम्बन्धीत कार्यक्रम सिने सिज्लर नामक कार्यक्रमको प्रस्तोता एवं निर्माताको रुपमा भूमिका निर्वाह गरेका थिए । यसैगरी केही समय अगाडि ईमेज टेलिभिजनबाट प्रशारण भएको अभियन सम्बन्धीत टेलिभिजन रियालिटी शो नेसनल एक्टिङ कम्पीटिसनको संचालनको जिम्मेवारी पनि उनले निर्वाह गरेका थिए । विगत १२ वर्ष यताबाट रोजिन नेपाल भाषाको समाचार वाचकका रुपमा प्रस्तुत हुँदै आएका छन् ।

चर्चित निर्माता तथा निर्देशक तथा कलाकार निर्मल शर्मा(गैँडा) द्वारा निर्देशन गरिएको “एउटा सपना”बोलको गीतको म्युजिक भिडियो सार्वजनिक गरिएको छ । लकडाउनको समय भएका कारण कुनै सार्वजनिक कार्यक्रम गरी भिडियो रिलिज तथा अन्य कार्य गर्न नमिल्ने भएका कारण डिजिटल रिलिज गरिएको कुरा निर्देशक तथा कलाकार शर्माले बताउनु भयो । भिडियोमा वरिष्ठ कलाकार कमलकान्तको दमदार अभिनय हेर्न पाईन्छ । भिडियोमा उनले आफ्नो मायालुसंग बिताएका बिगतका पलहरुलाई सम्झिदै कसरी जिवन बिताईरहेका छन भन्ने देखाउन खोजिएको छ । अभिनयमा उनलाई अभिनेत्री रजनी के सि र कलाकार अशिम पौडेलले साथ दिएका छन । भिडियोलाई वरिष्ठ सिनेम्याटोग्राफर राजु के सि ले निकै नै आकर्षक तरिकाले छांयाकन गरेका छन भने सम्पादनको कार्य गौतम राज खडकाले गरेका हुन । भिडियो ओएसआर डिजिटको युटुब च्यानलबाट रिलिज गरिएको छ । निकै नै भावुक शैलीमा प्रस्तत उक्त गीतमा गायक उत्सव कान्त मैनालीको सुमधुर स्वर सुन्न पाईन्छ । गीतको शब्द रमेश सुबेदीले लेखेका छन भने संगीत रोशन राज गुरुङको रहेको छ । गीतलाई कुमार थापाले एरेन्ज गरेका हुन भने मनोज परियारले रेकर्डिङ तथा मिक्सिङको कार्य गरेका हुन ।