बंगलादेशमा विद्यार्थी आन्दोलन चर्किएपछि नेपाली विद्यार्थी स्वदेश फर्कन थालेका छन् ।
यसै सन्दर्भमा आज ५७ विद्यार्थी काठमाडौंको त्रिभुवन अन्तर्राष्ट्रिय विमानस्थलमा अवतरण गरेका छन् । यी विद्यार्थीहरू सावर क्षेत्रको इनाम मेडिकल कलेज र बंगलादेशका अन्य ठाउँबाट घर फर्किएका परराष्ट्र मन्त्रालयका प्रवक्ता अमृत राईले बताए।
विद्यार्थीलाई विमानस्थलमा मन्त्रालयका अधिकारीले स्वागत गरेका थिए । स्वदेश फर्कन चाहने विद्यार्थीलाई मन्त्रालयले सहजीकरण गरिरहेको छ । बंगलादेशमा रहेका नेपाली विद्यार्थीका लागि सुरक्षित वातावरण सिर्जना गर्न र स्वदेश फर्कन चाहने विद्यार्थीलाई स्वदेश फर्काउनका लागि आवश्यक समन्वय गर्न ढाकास्थित नेपाली दूतावासका अधिकारीलाई निर्देशन दिएको छ ।
परराष्ट्रमन्त्री डा आरजु राणा देउवा आफैं दूतावाससँग प्रत्यक्ष सम्पर्कमा छन् र बंगलादेशमा भएका पछिल्लो घटनाका कारण समस्यामा परेका नेपाली विद्यार्थीलाई दूतावाससँगको समन्वयमा हेल्प डेस्क स्थापना गर्न मन्त्रालयका अधिकारीलाई निर्देशन दिनुभएको छ । नेपालको ढाकामा ।
बंगलादेशबाट ३४० नेपाली विद्यार्थी काँकडभिट्टा पुगेका छन्।
देशको पूर्वी सीमानाको काँकडभिट्टा नाका हुँदै पछिल्लो तीन दिनमा बंगलादेशबाट तीन सय ४० नेपाली विद्यार्थी नेपाल फर्किएका छन् ।
बंगलादेशमा हिंसात्मक प्रदर्शन चर्किएपछि नेपाली विद्यार्थी स्वदेश फर्कन थालेका छन् ।
अध्यागमन कार्यालय काँकडभिट्टाका प्रमुख मोहन पनेरुले बिहीबार ८५, शुक्रबार ११४ र शनिबार १ सय ४१ विद्यार्थी आएको जानकारी दिए । नेपाली विद्यार्थीसँगै माल्दिभ्सका एक विद्यार्थी पनि आएको उनले बताए ।
उनका अनुसार माल्दिभ्सकी छात्रा बंगलादेशमा नेपालीसँग सँगै पढ्दै आएकी र उनी आफ्ना नेपाली साथीहरूसँग नेपाल आएकी थिइन् । उनले नेपाली अध्यागमन अधिकारीलाई भारतीय अध्यागमन अधिकारीले नेपाली विद्यार्थीसँग सँगै आउन अनुमति दिएको बताएकी थिइन् ।
बंगलादेशमा हजारौं नेपाली विद्यार्थीहरू अध्ययनरत छन् र तीमध्ये अधिकांश चिकित्सा शिक्षामा छन्। बंगलादेशमा सरकारी जागिरमा कोटालाई लिएर विद्यार्थी आन्दोलनले हिंसात्मक रूप लिएको छ र त्यहाँका विश्वविद्यालयहरू बन्द गरिएका छन्।
worldwidekhabar
